प्रमुख कार्यकारी अधिकृतको सन्देश

सुशील ज्ञवाली, प्रमुख कार्यकारी अधिकृत, लगानी बोर्ड नेपाल

लगानी बोर्ड नेपालमा हामी प्रत्येक लगानीलाई नेपालको भविष्यको लागि साझेदारीको रूपमा हेर्छौं । सार्वजनिक-निजी साझेदारी र लगानी ऐन २०१९ द्वारा निर्देशित बोर्डलाई ६ अर्ब रुपैयाँ भन्दा माथिका परियोजनाहरू र २०० मेगावाटभन्दा बढीका जलविद्युत उद्यमहरूलाई दक्षता, पारदर्शिता र जवाफदेहिताका साथ कार्यान्वयन गरिएको सुनिश्चित गर्दै सहजीकरण गर्ने जिम्मेवारी दिइएको छ ।

हाम्रो प्राथमिकता लगानीकर्ताहरूलाई परियोजनाको स्वीकृतिदेखि कार्यान्वयनसम्म स्पष्टता, आत्मविश्वास र निर्वाध सहजीकरण प्रदान गर्नु हो । नेपाल ऊर्जा, पूर्वाधार, पर्यटन, कृषि, सूचना प्रविधि लगायतका अवसरहरूले भरिपूर्ण छ । यी अवसरहरूलाई प्रभावकारी र नतिजामुखी परिणाम हासिलका लागि तपाईँलाई सहयोग गर्न लगानी बोर्ड सदै तत्पर छ ।

दिगो र समृद्ध नेपाल निर्माणमा हामीसँग काम गर्न म सबै लगानीकर्ताहरू र साझेदारहरूलाई हार्दिक अनुरोध गर्दछु ।

प्रमुख कार्यकारी अधिकृतको संक्षिप्त जीवनी

सुशील ज्ञवाली लगानी बोर्ड नेपालका प्रमुख कार्यकारी अधिकृत हुनुहुन्छ ।  लगानी बोर्ड लगानीमैत्री वातावरण सिर्जना गरेर र स्वदेशी तथा विदेशी लगानी परिचालन गरेर आर्थिक विकासलाई प्रवर्द्धन गर्न समर्पित  नेपालको प्रमुख संस्था हो ।

यस अघि ज्ञवालीले नेपालको राष्ट्रिय पुनर्निर्माण प्राधिकरण को प्रमुख कार्यकारी अधिकृतको रूपमा काम गर्नुभएको थियो । प्राधिकरणा हुँदा उहाँले २०७२ साल वैशाख १२ गते र त्यसपछिका परकम्पबाट क्षति भएका भौतिक संरचनाहरुको पुनर्निर्माण, पुनर्स्थापनाका साथै जीवीकोपार्जनमा महत्वपूर्ण भूमिका निर्वाह गर्नु भएको थियो । भूकम्पपछिको नेपालको पुनर्निर्माणलाई विश्वमै सफल नमूनाका रुपमा हेर्ने गरिन्छ ।

राष्ट्रिय पुनर्निर्माण प्राधिकरणमा हुनुअघि ज्ञवाली ६ वर्ष नगर विकास कोषको कार्यकारी निर्देशक हुनुहुन्थ्यो । कोषमा हुँदा उहाँले नगरपालिकाहरूलाई वित्तीय र प्राविधिक सहयोग बढाउन, देशभर पूर्वाधार विकासलाई सहज बनाउन महत्वपूर्ण भूमिका निर्वाह गर्नु भएको थियो ।

संविधानसभाबाट संविधान निर्माणको क्रममा संघीय संरचनाहरु अनुसार संघ, प्रदेश र स्थानीय तहको अधिकार बाँडफाँड लगायतमा विशेषज्ञ योगदान पुर्याउनु भएका ज्ञवाली नेपाल नगरपालिका संघको कार्यकारी सचिवको रूपमा पनि काम गर्नु भएको थियो ।

स्थानीय शासन, योजना, शहरी विकास र पूर्वाधार लगायतका क्षेत्रमा तीन दशक बढीको अनुभव हासिल गर्नु भएका ज्ञवाली विकास तथा पूर्वाधार विशेषज्ञका रुपमा परिचित हुनुहुन्छ । उहाँले त्रिभुवन विश्वविद्यालयबाट शहरी योजनामा ​​स्नातकोत्तर तह हासिल गर्नुभएको छ ।